नेपाल राष्ट्रको एकीकरणमा पृथ्वीनारायण शाहको योगदान अतुलनीय : प्रधानमन्त्री ओली

काठमाडौं : प्रधानमन्त्री केपी शर्मा ओलीले नेपाल राष्ट्रको एकीकरणमा पृथ्वीनारायण शाहको योगदान अतुलनीय रहेको बताएका छन् । २९९ ‍औं पृथ्वी जयन्तीका अवसरमा श्रद्धाञ्जली तथा सम्मान व्यक्त गर्दै प्रधानमन्त्री ओलीले शाहकै अगुवाइमा नेपाल राष्ट्रको एकीकरण भएको उल्लेख गरेका छन्।

‘नेपाल राष्ट्रको एकीकरणमा राजा पृथ्वीनारायण शाहको योगदान अतुलनीय छ’ सामाजिक सञ्जाल ट्वीटरमा उनले लेखेका छन्, ‘आज उहाँको २९९ औं जन्मजयन्तीको अवसरमा उक्त विशिष्ठ योगदानको स्मरण गर्दै श्रद्धाञ्जली तथा सम्मान व्यक्त गर्दछु।’

---