बालुवाटार बैठक : चुनावको लागि संयन्त्र निर्माण गर्ने, गठबन्धन सम्बद्ध दलहरूले मात्रै तालमेल गर्ने

काठमाडौँ- सत्तारुढ गठबन्धनको बैठकले तीनै तहमा चुनावी तालमेल गर्ने निश्‍कर्ष निकालेको छ । बालुवाटारस्थित प्रधानमन्त्रीको सरकारी निवासमा गठबन्धनको बैठकले यस्तो निश्कर्ष निकालेको हो ।

केन्द्रदेखि स्थानीय तहसम्म निर्वाचनका लागि संयन्त्र निर्माण गर्ने निश्कर्ष निकालेको नेकपा माओवादी केन्द्रका अध्यक्ष पुष्पकमल दाहाल प्रचण्डका स्वकीय सचिव रमेश मल्लले जानकारी दिए । स्थानीय तहको निर्वाचनमा गठबन्धन सम्बद्ध दलहरूले गठबन्धनमा मात्र चुनावी तालमेल गर्ने निष्कर्ष निकालेको उनले बताए ।

---