शहीद गंगालाल हृदय केन्द्र बाँसबारीमा जागिर खुल्यो

काठमाडौँ- शहीद गंगालाल हृदय केन्द्र बाँसबारीले स्टाफ नर्ससहित विभिन्न स्वास्थ्यर्मी तथा प्रशासनिक कर्मचारीको माग गरेको छ । केन्द्रले आन्तरिक तथा खुला परीक्षाको आवेदन खुला गरेको हो ।

खुला तर्फ स्टाफ नर्स कूल ३० जना माग गरेको छ । खुलातर्फ १७, महिला ४, आदिवासी जनजाति ३, मधेसी ३, दलित १, अपाङ्ग १ र पिछडा क्षेत्रबाट १ जनाका लागि आवेदन आव्हान गरेको हो । कार्यक्षमता तथा आन्तरिक प्रतियोगिताको लागि पनि कर्मचारी माग गरेको हो ।

---

त्यस्तै, खुला प्रतिष्पर्धात्मका लागि प्रशासनिक क्षेत्रमा प्रशासन सहायक १ जनाको माग गरेको छ भने अन्य पदमा भने आन्तरिक तथा कार्यक्षमता मूल्यांकनका लागि आन्तरिक वरिष्ठ प्रशासन सहायक २, वरिष्‍ठ लेखा सहायक २, प्रशासन सहायक १, प्रशासकिय अधिकृत १ र प्रशासन सहायक १  जनाको माग गरेको हो ।

केन्द्रको जेठ २६ गतेको निर्णयअनुसार विभिन्न पदमा आवेदन खुला गरिएको हो । खुला प्रतिष्पर्धाका लागि आवेदकले सूचना प्रकाशित गरेको २१ दिनमा आवेदन दिइसक्नुपर्ने केन्द्रले जनाएको छ ।

खुला तर्फ प्रशासनका लागि ३५ र प्राविधिक तर्फ ४५ वर्ष उमेर ननाघेको हुनुपर्ने छ । लिखित तथा अन्तर्वाता परीक्षा लोकसेवा आयोगबाट हुनेछ ।