थपिए ५१७ कोभिड-१९ संक्रमित

काठमाडौँ  : पछिल्लो २४ घण्टामा थप ५१७ जनामा कोभिड-१९ को सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार पछिल्लो समय पाँच हजार २०३ को स्वास्थ्य परीक्षण गर्दा सो सङ्ख्यामा सङ्क्रमण पुष्टि भएको हो । 

जसमा चार हजार ३८६ जनाको पिसीआर र ८१७ जनाको एन्टिजेन विधिबाट परीक्षण गरिएको थियो ।  यसमध्ये सबैभन्दा धेरै काठमाडौँमा १६१, त्यसपछि ललितपुरमा २६ र भक्तपुरमा १२ थपिएका छन् । आजसम्म नेपालमा कोरोना भाइरस सङ्क्रमितको सङ्ख्या दुई लाख ८० हजार ९८४ पुगेको छ । त्यस्तै पछिल्लो समय थप १५३ जना निको भएका छन् । योसँगै निको हुनेको सङ्ख्या दुई  लाख ७४ हजार ३१८ रहेको छ । निको हुने दर भने ९७ दशमलब ६ प्रतिशत छ । 

---

अहिले देशभर तीन हजार ६०८ सक्रिय सङ्क्रमित छन् । उनीहरूमध्ये ८५ जना क्‍वारेन्टिनमा छन् । अन्य आइसोलेसनमा छन् । हालसम्म नेपालमा २३  लाख २१  हजार ६७० २८४  को पीसीआर परीक्षण भएको छ ।  त्यस्तै पछिल्लो समय कोरोनाका कारण पाँचको मृत्यु भएको छ । हालसम्मा तीन हजार ५८ ले कोरोनाको कारण ज्यान गुमाएको मन्त्रालयले जनाएको छ । (रासस)