काठमाडौँ आएका डा. केसी त्रिवि शिक्षण अस्पतालमा भर्ना

काठमाडौँ- चिकित्सा शिक्षा क्षेत्र सुधारका अभियन्ता डा गोविन्द केसी त्रिवि शिक्षण अस्पतालमा भर्ना भएका छन् । 

विभिन्न ७ बुँदे माग राखि धनगढीमा अनसन सुरु गरेका डा केसी स्वास्थ्य अवस्था बिग्रेपछि बुधबार उपचारका लागि आफ्नै खर्चमा काठमाडौँ आएका थिए । अस्पताल भर्ना भए पनि डा केसीले अनसन जारी राखेको उनका सहयोगीहरूले बताएका छन् । 

---

सरकारले मंगलबार डा केसीलाई काठमाडौँ ल्याउन नेपाली सेनाको हेलिकप्टरमा धनगढी लगेको भए पनि उनले काठमाडौं आउन अस्वीकार गरेका थिए । 

स्वास्थ्यमा जटिलता देखिएपछि उनलाई सेती अञ्चल अस्पतालले सुविधासम्पन्न अस्पतालमा लैजान सल्लाह दिएको हो । अस्पतालले डा केसी शरीरमा पोषणतत्व र पानीको असन्तुलनले बेहोस हुन सक्ने जोखिम रहेको जनाएको छ ।