एक दिनमै थपिए २ हजार ५ सय कोभिड संक्रमित, ५ को मृत्यु

काठमाडौँ :  नेपालमा पछिल्लो २४ घण्टामा थप २५ सय ५९ जनामा कोभिड–१९ संक्रमण पुष्टि भएको छ । ८ हजार ७९८ जनाको पीसीआर विधिबाट परीक्षण गर्दा २ हजार ४४९ र ८६६ जनाको एन्टिजेन विधिबाट परीक्षण गर्दा ११० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयकाअनुसार पछिल्लो २४ घण्टामा थप ५ जना संक्रमितको मृत्यु भएको छ । 

यही अवधिमा ४१० जना संक्रमणमुक्त भएका छन् । नेपालमा हालसम्म २ लाख ७६ हजार ७५५ जना निको भएका छन् भने कुल संक्रमितको संख्या २ लाख ९४ हजार ६०१ पुगेको छ । कुल मृतकको संख्या ३ हजार १२२ पुगेको छ ।
 

---