थप २२५ जना कोभिड संक्रमितको मृत्यु

काठमाडौं : पछिल्‍लो २४ घण्‍टामा थप २२५ जना कोभिड–१९ संक्रमितको मृत्यु भएको छ । स्वास्थ्य तथा जनस.ख्या मन्त्रालयकाअनुसार मंगलबार २२५ जनाको मृत्यु भएको छ । यससँगै नेपालमा संक्रमणबाट मृत्यु हुनेको संख्या ४ हजार ८४ पुगेको छ ।

यस्‍तै पछिल्लो २४ घण्टामा ९ हजार ४८३ जनामा संक्रमण पुष्टि भएको छ । योसँगै संक्रमितको संख्‍या ४ लाख १३ हजार १११ पुगेको छ । हाल सक्रिय संक्रमितको संख्या ९७ हजार ८ पुगेको छ । पछिल्लो २४ घण्टामा ५ हजार २२५ जना संक्रमणमुक्त भएका छन् ।

---