देशभर थपिए २१०३ कोभिड संक्रमित

काठमाडौं : पछिल्लो २४ घण्टामा दुई हजार १ सय ३ जनामा कोभिड–१९ को संक्रमण पुष्टि भएको छ । यो सँगै नेपालमा कोभिड संक्रमितको संख्या दुई लाख १५ हजार २० पुगेको स्वास्थ्य तथा जनसंख्या मन्त्रालयले जनाएको छ । 

आज देशभर २८ हजार १ सय ६ जना सक्रिय संक्रमित छन् । पछिल्लो २४ घन्टामा १७ जना कोभिड संक्रमितको मुत्यु भएको मन्त्रालयले जनाएको छ । यो सँगै नेपालमा कोभिड संक्रमणबाट मृत्यु हुनेको संख्या एक हजार दुई सय ७६ जना पुगेको छ ।

---

मन्त्रालयका अनुसार मंगलबार दुई हजार ८ सय ५८ जना संक्रमणमुक्त भएका छन् । योसँगै एक लाख ८५ हजार ६ सय ३८ जना संक्रमणमुक्त भएको मन्त्रालयले जनाएको छ ।

क्वारेन्टाइनमा रहेका व्यक्तिहरुको संख्या सात सय ६७ जना रहेको मन्त्रायले जनाएको छ । पछिल्लो २४ घण्टामा नौँ हजार ८ सय ५ जनाको पीसीआर परीक्षण गरिएको छ ।