इलाम अस्पतालमा स्वास्थ्यकर्मीसहित उपकरण र सामाग्रीको व्यवस्था गरिदिन सांसद परियारको माग

काठमाडौं : प्रतिनिधि सभा सदस्य सुजता परियारले इलाम अस्पतालमा दरबन्दीअनुसार स्वास्थ्यकर्मीसहित स्‍वास्‍थ्‍य उपकरण र सामाग्रीको व्यवस्था गरिदिन स्वास्थ्य मन्त्रालयलाई आग्रह गरेकी छन् । नेपाली कांग्रेस केन्द्रीय सदस्यसमेत रहेकी सांसद परियारले शुक्रबार स्वास्थ्य मन्त्री हृदयेश त्रिपाठीलाई ज्ञापन पत्र बुझाउँदै अक्सिजनलगायत अति आवश्यक स्वास्‍थ्‍य सामाग्रीहरू तुरुन्त उपलब्‍ध गराउन माग गरेकी हुन् । 

इलाम नगरपालिकामा रहेको इलाम अस्पतालमा व्यवस्थित सघन कक्ष, भेन्‍टिलेटरको अभाव भएकाले संक्रिमतहरूको उपचार गर्न समस्या भएको परियारले ज्ञापनपत्रमा उल्लेख छ ।‘इलामबासीहरूको जीवन रक्षा र स्वास्थ्य उपचारको लागि तत्काल इलाम अस्पताललाई आवश्यक पर्ने परीक्षण किट, मास्‍क, सेनिटाइजर,पीपीई सेट, थर्मल गनलगायतका स्वास्थ्य सामाग्री अभाव छ’ परियारले बुझाएको ज्ञापनपत्रमा भनिएको छ,‘अक्सिजन सिलिण्डर, अक्सिजन कन्सनट्रेटरको तत्काल व्यवास्था गरिदिन अनुरोध गर्दछुँ।’

---