देशभर थपिए १६ सय ६९ कोभिड संक्रमित

काठमाडौं : पछिल्लो २४ घण्टामा एक हजार ६ सय ६९ जनामा कोभिड–१९ को संक्रमण पुष्टि भएको छ । यो सँगै नेपालमा कोभिड संक्रमितको संख्या दुई लाख २० हजार ३ सय ८ पुगेको स्वास्थ्य तथा जनसंख्या मन्त्रालयले जनाएको छ ।

आज देशभर १९ हजार ९ सय ६३ जना सक्रिय संक्रमित छन् । पछिल्लो २४ घन्टामा १६ जना कोभिड संक्रमितको मुत्यु भएको मन्त्रालयले जनाएको छ ।  योसँगै नेपालमा कोभिड संक्रमणबाट मृत्यु हुनेको संख्या एक हजार तीन सय २१ जना पुगेको छ ।

---

मन्त्रालयका अनुसार आइतबार पाँच हजार ६ सय ९९ जना संक्रमणमुक्त भएका छन् । योसँगै एक लाख ९९ हजार २४ जना संक्रमणमुक्त भएको मन्त्रालयले जनाएको छ ।

क्वारेन्टाइनमा रहेका व्यक्तिहरुको संख्या छ सय ८६ जना रहेको मन्त्रायले जनाएको छ । पछिल्लो २४ घण्टामा आठ हजार ३२ जनाको पीसीआर परीक्षण गरिएको छ ।