उज्वल थापाको ईसीएमओ प्रविधिबाट उपचार, आर्थिक सहयोग ५० लाख बढि उठ्‍यो

काठमाडौँ : विवेकशील पार्टीका संस्थापक अध्यक्ष उज्वल थापालाई कोभिड-१९ संक्रमित भएपछि नेपाल मेडिसिटी अस्पतालमा उपचार भइरहेको छ । थापालाई ईसीएमओ प्रविधिबाट उपचार गराइएको जानकारी अस्पतालले दिएको छ ।  

चिकित्सकहरूको सल्लाह अनुसार थापालाई थप अत्याधुनिक उपचार आवश्यक पर्ने देखिएपछि आर्थिक सहयोग उठाइएको हो । थापाको उपचारको लागि अमेरिकामा २२ हजार २ सय ९१ डलर सहयोग जुटेको छ । त्यस्तै नेपालमा थापाको उपचारका लागि २६ लाख ५० हजार सहयोग उठेको विवेकशील साझा पार्टीले एक विज्ञप्ति जारी गर्दै जानकारी  दिएको छ । 

---

केही दिन अघिदेखि उनलाई हाइफ्लो अक्सिजनमा राखिएको थियो । अक्सिजन दिँदा पनि काम गरेको थिएन । उनलाई करिब दुई साता अघि कोभिड-१९ संक्रमण देखिएको हो । उनलाई कुनै अन्य दीर्घ रोग छैन । ४५ वर्षका थापा सहजै हिँडडुल गरिरहेका थिए ।