काठमाडौँ : कोभिड-१९ संक्रमणका कारण हाल नेपालमा १ लाख ११ हजार ५०९ सक्रिय संक्रमित आइसोलेशनमा र ८९१ जना क्वारेन्टाइनमा छन् । हालसम्म नेपालमा ३० लाख ३१ हजार ३८३ वटा पीसीआर गरिएको मन्त्रालयले जनाएको हो । 

नेपालमा शनिबार थप चार हजार चार सय ८७ जनामा कोभिड-१९ पुष्टि भएको छ । देशभर गरिएको १४ हजार ६ वटा पीसीआर परीक्षणका क्रममा चार हजार ३ सय ११ र ७४६ एन्टीजेन परिक्षणका क्रममा १७६ जनामा कोभिड पुष्टि भएको स्वास्थ्य मन्त्रालयले जनाएको हो ।

---

योसँगै नेपालमा संक्रमितको संख्या ५ लाख ५३ हजार ४ सय २२ पुगेको छ । त्यस्तै कोरोनाका कारण थप ११६ जनाको मृत्यु भएको छ । नेपालमा हालस्म्म सात हजार १ सय ६३ जनाले कोरोनाका कारण ज्यान गुमाएका छन् । त्यस्तै थप ६ हजार ८० जना कोरोनामुक्त भएका छन् । हालसम्म नेपालमा चार लाख ३४ हजार ७५० जना संक्रमित निको भएका छन् ।