कोभिडबारे अनधिकृत जानकारी नबाँड्‍न प्रधानमन्त्री कार्यालयलाई स्वास्थ्य मन्त्रालयको पत्र

काठमाडौँ :  स्वास्थ्य तथा जनसंख्या मन्त्रालयले कोभिड-१९ को महामारी तथा समग्र जनस्वास्थ्यको विषयमा अनावश्यक टिप्पणी नगर्न सम्बन्धित व्यक्तिलाई आग्रह गरेको छ ।

जनस्वास्थ्यका विषयमा असम्बन्धित निकायहरूले आमसञ्चार माध्यममा बोल्ने वा टिप्पणीले धेरैलाई द्धिविधा बनाउने र भ्रमित बनाउने गरेको  मन्त्रालये जनाएको छ । अनाधिकृत सूचना तथा जानकारी प्रकाशन प्रसारण गर्ने कार्य नगर्नलाई सम्बन्धित सरोकारवाला निकायलाई आग्रह गरिएको मन्त्रालयले जारी गरेको विज्ञप्‍तिमा उल्लेख छ ।

---