थप १९ सय ८० जनामा कोभिड संक्रमण, संक्रमणमुक्त हुनेको संख्या २ लाख नाघ्यो

काठमाडौँः पछिल्लो २४ घण्टामा एक हजार ९ सय ८० जनामा कोभिड–१९ को संक्रमण पुष्टि भएको छ । यो सँगै नेपालमा कोभिड संक्रमितको संख्या दुई लाख २२ हजार २ सय ८८ पुगेको स्वास्थ्य तथा जनसंख्या मन्त्रालयले जनाएको छ । 

आज देशभर १८ हजार ८ सय ८४ जना सक्रिय संक्रमित छन् । पछिल्लो २४ घन्टामा १६ जना कोभिड संक्रमितको मुत्यु भएको मन्त्रालयले जनाएको छ । आइतबार पनि कोभिडका कारण १६ जनाले नै ज्यान गुमाएका थिए योसँगै नेपालमा कोभिड संक्रमणबाट मृत्यु हुनेको संख्या एक हजार तीन सय ३७ जना पुगेको छ ।

---

मन्त्रालयका अनुसार सोमबार तीन हजार ४३ जना संक्रमणमुक्त भएका छन् । योसँगै दुई लाख २ हजार ६७ जना संक्रमणमुक्त भएको मन्त्रालयले जनाएको छ ।
क्वारेन्टाइनमा रहेका व्यक्तिहरुको संख्या छ सय २९ जना रहेको मन्त्रायले जनाएको छ । पछिल्लो २४ घण्टामा १० हजार ३ सय ८१ जनाको पीसीआर परीक्षण गरिएको छ ।