स्वास्थ्य मन्त्रालयले भन्यो : सबै अस्पतालले अक्सिजन सिलिण्डर भरेर राख्‍नू

काठमाडौँ : स्वास्थ्य तथा जनसंख्या मन्त्रालयले सरकारी तथा निजी कोभिड उपचार केन्द्रलाई अक्सिजन सिलिण्डर भरेर राख्‍न निर्देशन दिएको छ । बिग्रेको अक्सिजन प्लान्ट  मर्मत गरी चाँडो सञ्चालनको व्यवस्था गर्नलाई समेत निर्देशन दिएको हो ।

मन्त्रालयले जारी गरिएको विज्ञप्‍तिमा अक्सिजनलाई औषधि जस्तो अनावश्यक रूपमा वितरण र प्रयोग प्रोत्साहन गरी मानिसको ज्यान जाने जोखिम हुने कामहरू नगर्न सबैलाई सचेत गराइएको उल्लेख छ ।

---

घर-घरमा संक्रमितको उपचार गर्न लगेका सिलिण्डरहरू समयमा अक्सिजन उद्योगमा लगेर भर्नु र समयमा नपुगेको अक्सिजन आपूर्ति हुने जनाएको छ । 'अक्सिजन सिलिण्डर अभाव भएमा अस्पतालमा गम्भीर अवस्थामा उपचाररत संक्रमितलाई गाह्रो हुनेछ,' विज्ञप्तिमा लेखिएको छ ।

जुनसुकै बहानामा व्यक्ति र संस्थाले सिलिण्डर जुन उद्योगबाट लगिएको थियो त्यहीँ उद्योगमा बुझाउनलाई निर्देशन दिएको छ ।