देशभर थपिए १७ सय ९० कोभिड संक्रमित

काठमाडौँः पछिल्लो २४ घण्टामा एक हजार ७ सय ९० जनामा कोभिड–१९ को संक्रमण पुष्टि भएको छ । यो सँगै नेपालमा कोभिड संक्रमितको संख्या दुई लाख २४ हजार ७८ पुगेको स्वास्थ्य तथा जनसंख्या मन्त्रालयले जनाएको छ । 

आज देशभर १७ हजार ८ सय ५९ जना सक्रिय संक्रमित छन् । पछिल्लो २४ घन्टामा २४ जना कोभिड संक्रमितको मुत्यु भएको मन्त्रालयले जनाएको छ । सोमबार कोभिडका कारण १६ जनाको मृत्यु भएको थियो । योसँगै नेपालमा कोभिड संक्रमणबाट मृत्यु हुनेको संख्या एक हजार तीन सय ६१ जना पुगेको छ ।

---

मन्त्रालयका अनुसार मंगलबार दुई हजार ७ सय ९१ जना संक्रमणमुक्त भएका छन् । योसँगै दुई लाख ४ हजार ८ सय ५८ जना संक्रमणमुक्त भएको मन्त्रालयले जनाएको छ । क्वारेन्टाइनमा रहेका व्यक्तिहरुको संख्या छ सय २७ जना रहेको मन्त्रालयले जनाएको छ ।