थप २ हजार ४७६ जनामा कोभिड संक्रमण पुष्टि

काठमाडौँ : नेपालमा शुक्रबार थप २,४७६ जनामा कोभिड संक्रमण पुष्टि भएको छ । देशभर गरिएको ९ हजार ५ सय ८६ पिसिआर परीक्षणका क्रममा १ हजार ७ सय २१ र ४ हजार ७ सय ६५ एन्टीजेन परीक्षणका क्रममा ७ सय ५५ जनामा संक्रमण पुष्टि भएको हो ।

यो संगै नेपालका कोभिड संक्रमितको संख्या ६ लाख ६१ हजार ८ सय ४१ पुगेको छ । त्यस्तै कोभिडका कारण थप २७ जनाको मृत्यु भएको छ । हालसम्म नेपालमा कोभिडका कारण ८ हजार ९ सय ४५ जनाको मत्यु भएको स्वास्थ्य मन्त्रालयले जानकारी दिएको छ । 

---

त्यस्तै थप ५ हजार ४ सय ५५ जना संक्रमणमुक्त हुँदा हालसम्म नेपालमा ५ लाख ७६ हजार ४१३ जना कोरोनामुक्त भएका छन् । हाल नेपालमा ४५ हजार ७ सय ९४ सक्रिय संक्रमित आइसोलेशन र ३७३ जना क्वारेन्टिनमा छन् ।