थप दुई हजार ४४४ जनामा कोभिड-१९ पुष्टि, ४२ जनाको मृत्यु

काठमाडौँ : नेपालमा सोमबार थप दुई हजार ४४४ जनामा कोभिड-१९ पुष्टि भएको छ । देशभर गरिएको ६ हजार ६ सय ४८ पिसिआर परीक्षणका क्रममा १ हजार ५ सय ९ जना र ४ हजार ९ सय ९२ एन्टीजेन परीक्षणका क्रममा थप ९३५ जनामा संक्रमण पुष्टि भएको हो । 

यो संगै नेपालमा संक्रमितको संख्या ६ लाख ६८ हजार २२१ पुगेको छ । त्यस्तै संक्रमणका कारण थप ४२ जनाको मृत्यु भएको छ । हालसम्म नेपालमा कोभिडका कारण ९ हजार ५१ जनाले ज्यान गुमाएका छन् । 

---

त्यस्तै थप ३ हजार ८ सय ५४ संक्रमित निको हुँदा हालसम्म नेपालमा ५ लाख ८८ हजार १८७ जना संक्रमित निको भएका छन् । हाल नेपालमा ३७ हजार ९५० संक्रमित आइशोलेशनमा र ३५७ जना क्वारेन्टाइनमा छन् ।