सर्पदंशबारे थाहा पाइ राखौँ यी कुरा

कोभिड महामारी र बाढीपहिरोको विपद्का माझ सर्पदंशको जोखिम समेत बढ्दै गएको छ । नेपालमा पाइने सर्पहरूमध्ये गोमन, राजगोमन, करेत, मुगा, बाघे जस्ता सर्पहरू विषालु सर्पमा गनिन्छन् । यस्तोमा सर्पको टोकाइबाट बच्न र टोकिहाले के गर्ने भन्नेबारे जान्नु र सचेत रहनु एकदमै जरुरी छ ।

सर्पदंशबाट जोगिन के गर्ने ?

---

–    राति हिँड्नु परे टर्च लाइट लिएर हिँडने
–    जुत्ता वा गम बुट लगाउने 
–    खुट्टा राम्ररी छोप्ने बाक्लो प्यान्ट लगाउने 
–    घर वरपरको घाँस, झारपात काटेर सफा राख्ने 
–    काठ, ढुङ्गा, टुटेफुटेका सामानको थुप्रो हटाउने 
–    जमिनका दुलाहरू टाल्ने
–    पराल, दाउरा आदि तान्न जाँदा होसियारी अपनाउने
–    सुत्नुअघि ओछ्यान, खाटमुनी र वरपर राम्ररी हेर्ने
–    झुल टाँगेर सुत्ने 
–    सर्प देखे टाढै रहने 

सर्पले टोकिहाले के गर्ने ? 
–    डसेको ठाउँलाई चल्न नदिई स्थिर राख्ने 
–    सर्पले डसेको ठाउँमा काट्ने, चुस्ने, बाँध्ने नगर्ने 
–    कुनै पनि मलम, रासायनिक पदार्थ, तातो–चिसो प्रयोग नगर्ने
–    बिरामीको आत्मविश्वास कायम राख्ने
–    सम्भव भएसम्म डस्ने सर्पको पहिचान गर्ने तर नमार्ने
–    बिरामीलाई जतिसक्दो चाँडो अस्पताल वा सर्पदंश केन्द्र पुयाउने ।
(स्रोतः स्वास्थ्य तथा जनसंख्या मन्त्रालय ।)