काठमाडौँ : पछिल्लो २४ घण्टामा एक हजार ३ सय ४ जनामा कोभिड–१९ को संक्रमण पुष्टि भएको छ । यही अवधिमा २१ जना कोभिड संक्रमितको मुत्यु भएको हो ।

आठ हजार ५ सय ८३ जनाको पीसीआर परीक्षण गर्दा यती संख्यामा संक्रमण देखिएको छ । यो सँगै नेपालमा कोभिड संक्रमितको संख्या दुई लाख ३४ हजार ७ सय ५६ पुगेको स्वास्थ्य तथा जनसंख्या मन्त्रालयले जनाएको हो । 

---

मन्त्रालयका अनुसार मंगलबार देशभर १६ हजार ६ सय ३३ जना सक्रिय संक्रमित छन् । नेपालमा कोभिड संक्रमणबाट मृत्यु हुनेको संख्या एक हजार पाँच सय २९ जना पुगेको छ ।

मन्त्रालयका अनुसार मंगलबार दुई हजार ७३ जना संक्रमणमुक्त भएका छन् । योसँगै दुई लाख १६ हजार ५ सय ९४ जना संक्रमणमुक्त भएका छन् । हाल छ सय १६ जना क्वारेन्टाइनमा रहेको मन्त्रालयले जनाएको छ ।