स्वास्थ्य सचिवमा डा.रोशन पोखरेल नियुक्त

काठमाडौ- स्वास्थ्य तथा जनसंख्या मन्त्रालयको स्वास्थ्य सचिवमा डा.रोशन पोखरेल नियुक्त भएका छन् । सोमबार बसेको मन्त्रिपरिषद्को बैठकले डा.रोशन पोखरेललाई सचिवमा नियुक्त गर्ने निर्णय गरेको हो । उनी मन्त्रालयमा प्रमुख विशेषज्ञको रूपमा कार्यरत थिए ।

बढुवा सिफारिस समितिले बिहान मात्रै तीन जनाको नाम सिफारिस गरेको थियो । वरिष्ठताको आधारमा डा. पोखरेल पहिलो नम्बरमा थिए। त्यसैगरी, १२औं तहका दिपेन्द्ररमण सिंह र महेन्द्रप्रसाद श्रेष्ठ पनि सचिवको दौडमा थिए ।

---