वीर अस्पतालका स्वास्थ्यकर्मी र कर्मचारीको प्रदर्शनमा प्रहरी हस्तक्षेप

काठमाडौँ - विभिन्न माग राख्दै आन्दोलनरत वीर अस्पतालका स्वास्थ्यकर्मी र कर्मचारीको प्रदर्शनमा प्रहरी हस्तक्षेप हुँदा तनाव उत्पन्न भएको छ । आइतबार अस्पतालको प्रशासकीय अधिकृत डा. जागेश्वर गौतमसँग छलफल गर्ने क्रममा प्रहरी हस्तक्षेप भएको आन्दोलनरत स्वास्थ्यकर्मी र कर्मचारीले आरोप लगाएका छन् । 

प्रहरीले लाठीचार्ज गरेर केही स्वास्थ्य कर्मी र कर्मचारी घाइते बनाएको वीर अस्पताल स्वास्थ्यकर्मी संघका अध्यक्ष खुमराज आचार्यले बताए । अस्पतालको सेवामा कुनै सुधार नभएको , आफूहरूले पाउनुपर्ने सेवा सुविधा नपाएको भन्दै उनीहरू आन्दोलित भएका थिए । प्रशासकीय अधिकृत र प्रहरीले माफी नमागेसम्म आफूहरूको प्रदर्शन नरोकिने आचार्यले बताए ।

---

स्वास्थ्यकर्मी र कर्मचारीको प्रदर्शनका कारण अस्पतालको सेवा प्रभावित भएको छ । स्वास्थ्यकर्मी र कर्मचारीहरूले आठ महिनादेखि रोकिएको सेवा विस्तार भत्ता, औषधि उपचार भत्ता, कोभिड–१९ जोखिम भत्ता नपाएको कर्मचारीहरुले दाबी गरेका छन् ।