कोभिड–१९ खोप लगाएको प्रमाणपत्र निःशुल्क दिनूू : स्वास्थ्य मन्त्रालय

काठमाडौँ -  स्वास्थ्य मन्त्रालयले कोभिड १९ विरुद्धको खोप लगाएको प्रमाणीकरण कार्य निःशुल्क गर्न गराउन सम्बद्ध निकायहरूलाई आज आइतबार निर्देश गरेको छ । मन्त्रालयको स्वास्थ्य समन्वय महाशाखाका वरिष्ठ जनस्वास्थ्य प्रशासक भीमप्रसाद सापकोटाले शुक्रराज ट्रपिकल तथा सरुवा रोग अस्पताल टेकु, निजामती कर्मचारी अस्पताल मीनभवन, पाटन अस्पताल लगनखेल र सशस्त्र प्रहरी अस्पताल बलम्बुलाई खो प्रमाणपत्र जारी गर्ने सबन्धमा पत्राचार गरेका हुन् ।

वैदेशिक राजगारी तथा अनय कामको सिलसिलामा अन्तर्राष्ट्रिय यात्रा गर्नुपर्ने नागरिकहरूलाई कोभिड–१९ विरुद्धको खोप लगाएको प्रमाणपत्र निःशुल्क जारी गर्न गत साउन ७ गते स्वास्थ्य तथा जनसंख्या मन्त्रालय (सचिवस्तर) को निर्णय भएको थियो । उक्त निर्णयअनुसार खोप लगाएको प्रमाणीकरण निःशुल्क गर्ने निर्देशन भए पनि केही अस्पतालहरूबाट शुल्क लिएको जनगुनासो प्राप्त भएकोले पुनः पत्राचार गरेको हो ।  

---