लिम्बुवान,एमाले र राप्रपा कार्यकर्ताद्वारा बीपी प्रतिष्‍ठानको कार्यालय तोडफोड

काठमाडौँ- नेकपा एमाले, राप्रपा नेपाल, संघीय लिम्बुवान मञ्‍च र राप्रपाले धरानस्थित बीपी कोइराला स्वास्थ्य विज्ञान प्रतिष्ठानको उपकुलपतिको कार्यालयको तोडफोड गरेका छन् । उनीहरूले उपकुलपतिको कार्यालयमा लगाइएको तीनवटा ढोका तोडफोड गरी सिसासमेत फुटाएका हुन् ।

अस्पतालमा ओपीडी सेवा बन्द गरेको विरोधमा उनीहरूले पहिलेदेखि विरोध गर्दै आइरहेको बीपी कोइराला स्वास्थ्य विज्ञान प्रतिष्ठान शुद्धिकरण अभियान संयुक्त संघर्ष समिति २०७८ का सदस्य चिकित्सक डा. अमृत जैशीले बताए । 'प्रतिष्‍ठानका पदाधिकारीको संरक्षणम रहेका राजनीतिक दलका कार्यकर्ताले अस्पताल तोडफोड गरेका हुन,' उनले भने,' हामीले आएका बिरामीलाई निरन्तर सेवा पनि दिइरहेका छौ ।'

---

आन्दोलनलाई मत्थर पार्ने उदेश्यले सुनियोजित ढंगले अस्पतालमाथि प्रहार गरेको डा. जैशीको भनाइ छ । अभियानले प्रतिष्‍ठानमा भइरहेको आन्दोलनलाई सरकारले बेवास्ता गरेकाले आइतबारदेखि थप आन्दोलनको घोषणा गरेका छन् ।

अभियानले प्रतिष्‍ठानमा भएका भ्रष्ट्रचार तथा अनियमितताको विरुद्धमा आवाज उठाउँदै आइरहेको छ ।  शुद्धिकरण अभियानले प्रतिष्‍ठानका उच्च पदाधिकारीले गरेको काम कारबाहीलाई लिएर सचेतसमेत गराउँदै आएका छन् ।