देशभर थपिए ८ सय ४२ कोभिड संक्रमित

काठमाडौँ : पछिल्लो २४ घण्टामा आठ सय ४२ जनामा कोभिड–१९ को संक्रमण पुष्टि भएको छ । पाँच हजार ४ सय २३ जनाको पीसीआर परीक्षण गर्दा यती संख्यामा संक्रमण देखिएको हो । 

यो सँगै नेपालमा कोभिड संक्रमितको संख्या दुई लाख ४९ हजार २ सय ४४ पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार सोमबार देशभर १० हजार ९ सय ५५ जना सक्रिय संक्रमित छन् ।

---

पछिल्लो २४ घन्टामा १८ जना कोभिड संक्रमितको मुत्यु भएको मन्त्रालयले जनाएको छ । योसँगै नेपालमा कोभिड संक्रमणबाट मृत्यु हुनेको संख्या एक हजार सात सय १६ जना पुगेको छ ।

मन्त्रालयका अनुसार सोमबार आठ सय ४२ जना संक्रमणमुक्त भएका छन् । योसँगै दुई लाख ३६ हजार ५ सय ७३ जना संक्रमणमुक्त भएका छन् ।