देशभर थपिए ९ सय ३६ कोभिड संक्रमित

काठमाडौँ : पछिल्लो २४ घण्टामा ९ सय ३६ जनामा कोभिड–१९ को संक्रमण पुष्टि भएको छ । सात हजार १ सय १७ जनाको पीसीआर परीक्षण गर्दा यती संख्यामा संक्रमण देखिएको हो । 

यो सँगै नेपालमा कोभिड संक्रमितको संख्या दुई लाख ५० हजार १ सय ८० पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार मंगलबार देशभर नौ हजार ८ सय ८१ जना सक्रिय संक्रमित छन् ।

---

पछिल्लो २४ घन्टामा १४ जना कोभिड संक्रमितको मुत्यु भएको मन्त्रालयले जनाएको छ । योसँगै नेपालमा कोभिड संक्रमणबाट मृत्यु हुनेको संख्या एक हजार सात सय ३० जना पुगेको छ ।

मन्त्रालयका अनुसार मंगलबार एक हजार ९ सय ९६ जना संक्रमणमुक्त भएका छन् । योसँगै दुई लाख ३८ हजार ५ सय ६९ जना संक्रमणमुक्त भएका छन् ।