सोमबार देशभर १०३० संक्रमित

काठमाडौँ- देशभर १०३० कोभिड-१९ संक्रमित थपिएका छन् । स्वास्थ्य तथा जनसंख्या मन्त्रालयका अनुसार सोमबार १० हजार ८७४ जनाको कोभिड परीक्षण गरिएको थियो । पीसीआर परीक्षणबाट ८१२ र एन्टीजेन्ट विधिबाट २१८ कोभिड परीक्षण गरिएको थियो ।

पछिल्लो २४ घण्टामा १ हजार जना संक्रमणमुक्त भएका छन् । हालसम्म देशभरबाट ७ लाख ७० हजार २२४ जना संक्रमणमुक्त भइसकेका छन् । १० जनाको मृत्यु र हालसम्म देशभर ११ हजार १७४ जनाको कोभिड संक्रमणका कारण मृत्यु भइसकेको छ ।

---

देशभर सक्रिय संक्रमित १६ हजार ६०६ जना छन् । आईसीयूमा ३५१ र भेन्टीलेटरमा ११८ जना उपचाररत छन् । होम आईसोलेशनमा १५ हजार ५३४ , संस्थागत आईसोलेशनमा ११५२  र क्वारेन्टाइनमा २४१ जना छन् ।