कोभिड संक्रमित पूर्वगृहमन्त्री खड्काको स्वास्थ्यमा सुधार

काठमाडौँ – नेपाली कांग्रेसका नेता तथा पूर्वगृहमन्त्री पूर्णबहादुर खड्काको स्वास्थ्य अवस्थामा सुधार आएको छ । कोभिड– १९ संक्रमण देखिएपछि खड्कालाई १२ असोजमा बलम्बुस्थित एपीएफ अस्पतालमा भार्ना गरिएको थियो ।

सोही अस्पतालमा उपचारत उनको स्वास्थ्यमा क्रमिक सुधार आइरहेको उपचारमा संलग्न चिकित्सकले बताएका छन् । उनलाई कोभिडका साथै निमोनिया पनि देखिएको बताइएको छ ।

---

उनको स्वास्थ्यका सबै सूचकहरू सामान्य अवस्थामा रहेको चिकित्सकहरूले बताएका छन् । ‘उहाँको स्वास्थ्य अवस्था स्थिर र सुधारोन्मुख रहेको छ,’ अस्पतालले सोमबार जारी गरेको विज्ञप्तिमा उल्लेख छ ।