मंगलबार उपत्यकामा थपिए ३०२ संक्रमित

काठमाडौँ- उपत्यकामा ३०२ कोभिड-१९ संक्रमित थपिएका छन् । मंगलबार स्वास्थ्य तथा जनसंख्या मन्त्रालयका अनुसार काठमाडौँमा २३१, ललितपुरमा ४१ र भक्तपुरमा ३० जना संक्रमित थपिएका हुन् ।

काठमाडौँमा सक्रिय संक्रमित २२६८, संक्रमणमुक्त २ लाख ४१ हजार ५५, मृत्यु २१५३ र कुल संक्रमित २ लाख ४५ हजार ४७६ संक्रमित छन् । भक्तपुरमा सक्रिय संक्रमित ६९१, संक्रमणमुक्त २८ हजार १२१, मृत्यु ४२८ र कुल संक्रमित २९ हजार २४० जना छन् ।

---

त्यसैगरी ललितपुरमा सक्रिय संक्रमित ७८८, संक्रमणमुक्त ४६ हजार ८८३, मृत्यु ६७० र कुल संक्रमित ४८ हजार ३४१ संक्रमित छन् ।