स्वास्थ्य

५० प्रतिशतले लगाए भेरोसेल खोप : राज्यमन्त्री श्रेष्‍ठ

असोज २१, २०७८ बिहीबार १९:२७ बजे

काठमाडौँ- नेपालीले सबैभन्दा बढी भेरोसेल खोप लगाएका छन् । स्वास्थ्य राज्यमन्त्री श्रेष्‍ठले भेरोसेल खोप ५० प्रतिशत बढीले लगाएको बताएका छन् । 'धेरै मानिसले भेरोसेल खोप लगाएकामा खुसी छु,' उनले टवीटरमा लेखेका छन् ।

हालसम्म १ करोड ४४ लाख ३९ हजार २८५ जनाले कोभिडविरुद्धको खोप लगाइसकेका छन् । पहिलो मात्रा ८० लाख ८ हजार ८५४ र दोस्रो मात्रा ६४ लाख ३० हजार ४३१ जनाले लगाइसकेका छन् ।

'जसमध्ये ५० प्रतिशत भेरोसेल खोप लगाएका छन,' राज्यमन्त्री श्रेष्‍ठले भने । भेरोसेलको पहिलो मात्रा लगाउनेको संख्या ५२ लाख ४ हजार ३ सय ४८ र दोस्रो मात्रा ३३ लाख ४६ हजार ५३९ जनाले लगाइसकेका छन् ।

अहिलेसम्म चीनबाट अनुदानस्वरुप १८ लाख, रेडक्रसद्वारा १ लाख र खरिद गरी ८४ लाख भेरोसेल खोप ल्याइएको छ । हालसम्म नेपालले चीनबाट १ करोड ३ लाख खोप ल्याइसकेको छ ।

It gives me immense pleasure to share with you that we've administered 8.3million VeroCell vaccines, that is more than 50% of the total jabs administered so far. During the meeting with Excellency @PRCAmbNepal, we've discussed on furher cooperation & strengthening bilateral ties. pic.twitter.com/pGQ4KP9VG4