नेपालमा करिब २२ प्रतिशतले पूर्णमात्रा खोप लगाए

काठमाडौँ- नेपालमा कुल जनसंख्याको २१ दशमलव ७प्रतिशतले कोभिडविरुद्धको पैर्ण मात्रा खोप लगाएका छन् । तीन करोड ३ लाख ७८ हजार ५५ जनाको २८ दशमलव ३ प्रतिशतले पहिलो मात्रा लगाएका हुन् । पहिलो मात्रा २८ दशमलव ३ प्रतिशत जनताले लगाएका स्वास्थ्य तथा जनसंख्या मन्त्रालयले जनाएको छ ।

१५ वर्षभन्दा माथिका लक्षित २ करोड १७ लाख ५६ हजार ७६३ जनामध्ये ३० दशमलव ४ प्रतिशतले दुवै मात्रा खोप लगाएका हुन् । पहिलो मात्रा ३९ दशमलव ६ प्रतिशतले पहिलो मात्रा लगाएका हुन् ।

---

त्यसैगरी १८ वर्षभन्दा माथिका लक्षित समूहका एक करोड ९९ लाख २२ हजार १६४ जनामध्ये ४३ दशमलव २ प्रतिशतले खोप लगाएका छन् । ३३ दशमलव १ प्रतिशतले पूर्ण मात्रा खोप लगाएका हुन् ।

हालसम्म कुल १ करोड ५२ लाख ११ हजार १६१ जनाले खोप लगाएका छ्न् । पहिलो मात्रा ८६ लाख ६ हजार ९८८ र दुवै मात्रा ६६ लाख ४ हजार १७३ जनाल खोप लगाएका छन् ।

नेपालमा कोभिसिल्ड, भेरोसेल, जोन्सन, जापानी अष्‍ट्राजेनिका र स्वीडिन अष्‍ट्राजेनिका खोप लगाइएको छ । गत वर्षको माघको पहिलो सातादेखि कोभिडविरुद्धको खोप लगाउन थालिएको थियो । भारतबाट अनुदानस्वरुप १० लाख खोप प्राप्‍त भएको थियो । सरकारले सुरुवातीमा स्वास्थ्यकर्मी, सुरक्षाकर्मी र सफाइकर्मीलाई उक्त खोप लगाएको थियो ।