देशभर थपिए ६७२ संक्रमित, ८ को मृत्यु

काठमाडौँ- देशभर कोभिड संक्रमणका कारण आठ जनाको मृत्यु भएको छ । हालसम्म ११ हजार ३८० संक्रमितको मृत्यु भइसकेको छ । बुधबार स्वास्थ्य तथा जनसंख्या मन्त्रालयका अनुसार ६७२ संक्रमित थपिएका छन् ।

९ हजार ४९५ जनाको कोभिड परीक्षण गरिएको थियो । पीसीआर परीक्षणबाट ५८२ र एन्टीजेन विधिबाट ९० जनामा कोभिड पुष्‍टि भएको हो ।

---

पछिल्लो २४ घण्टामा ४९५ जना संक्रमणमुक्त भएका छन् । हालसम्म देशभरबाट ७ लाख ८९ हजार १२५ जना संक्रमणमुक्त भइसकेका छन् ।देशभर सक्रिय संक्रमित १० हजार ३७५ जना छन् ।

आईसीयूमा २५४ र भेन्टीलेटरमा ८६ जना उपचाररत छन् ।आईसीयूमा २५२ र भेन्टीलेटरमा ८० उपचाररत छन् । होम आईसोलेशनमा ९ हजार ५१२, संस्थागत आईसोलेशनमा ७८४ र क्वारेन्टिनमा २१६ जना छन् ।