काठमाडौं - नेपालमा पछिल्लो २४ घण्टामा थप १३९ जनामा कोभिड संक्रमण पुष्‍टि छ । पीसीआरबाट दुई हजार १३४ र एन्टिजेनबाट एक हजार ७९८ गरी कुल तीन हजार ९३२ नमुना स्वाबको परीक्षण गर्दा १३९ जनामा संक्रमण देखिएको स्वास्थय तथा जनसंख्या मन्त्रालयले जनाएको छ । 

मन्त्रालयकाअनुसार योसँगै नेपालमा कोरोना संक्रमण हुनेको संख्या आठ लाख १४ हजार २१७ पुगेको स्वास्थ्य मन्त्रालयले जनाएको छ । यस्तै, पछिल्लो २४ घण्टामा एक जनाको मृत्यु भएको छ । योसँगै मृत्यु हुनेको संख्या ११ हजार ४३९ पुगेको छ । पछिल्लो २४ घण्टामा ३९६ जना कोरोना संक्रमणमुक्त भएका छन् । योसँगै नेपालमा संक्रमणमुक्त हुनेको संख्या सातलाख ९४ हजार ८३४ पुगेको छ । 

---