थपिए ६५९ कोभिड संक्रमित

काठमाडौँ : पछिल्लो २४ घण्टामा छ सय ५९ जनामा कोभिड–१९ को संक्रमण पुष्टि भएको छ । पाँच हजार ५ सय ७८ जनाको पीसीआर परीक्षण गर्दा यती संख्यामा संक्रमण देखिएको हो । यो सँगै नेपालमा कोभिड संक्रमितको संख्या दुई लाख ५८ हजार ८ सय ४० पुगेको स्वास्थ्य तथा जनसंख्या मन्त्रालयले जनाएको छ । हाल छ हजार ४ सय २७ जना सक्रिय संक्रमित छन् ।

पछिल्लो २४ घन्टामा सात जना कोभिड संक्रमितको मुत्यु भएको मन्त्रालयले जनाएको छ । योसँगै नेपालमा कोभिड संक्रमणबाट मृत्यु हुनेको संख्या एक हजार ८ सय ३२ जना पुगेको छ । मन्त्रालयका अनुसार सोमबार सात सय १८ जना संक्रमणमुक्त भएका छन् । योसँगै दुई लाख ५० हजार ५ सय ८१ जना संक्रमणमुक्त भएका छन् ।
 

---