बेलायतद्वारा नेपाली सेनालाई स्वास्थ्य सामग्री सहयाेग

काठमाडौँ- बेलायतले नेपाली सेनालाई स्वास्थ्य सामग्री सहयोग गरेको छ । अटोमेटेड पिसीआर मेसिन, अक्सिन कन्सर्नट्रेटर लगायतका स्वास्थ्य सामग्री वितरण गरेको हो ।

सोमबार त्रिभुवन अन्तर्राष्‍ट्रिय विमानस्थलमा नेपालका लागि बेलायती सैनिक सहचारी कोलोनेल पल थोमस स्मिथले नेपाली सेनाका स्वास्थ्य महानिर्देशनालयका प्राविधिक महा सेनानी डा. मुन थापालाई सामग्री हस्तान्तरण गरेका हुन् ।

---

उक्त कार्यक्रममा नेपाली सेनाका अधिकृत र बेलायती दूतावासका प्रतिनिधिहरूको सहभागी रहेको नेपाली सेनाले जनाएको छ ।