थप ४२६ जनामा कोभिड-१९ को संक्रमण पुष्टि

काठमाडौं : नेपालमा शुक्रबार थप ४२६ जनामा कोभिड–१९ को संक्रमण पुष्टि भएको छ । देशभरका विभिन्न स्थानमा रहेको प्रयोगशालामा गरिएको परीक्षणमा १५३ जना महिला र २७३ जना पुरुषमा कोरोना संक्रमण पुष्टि भएको स्वास्थ्य मन्त्रालयले जनाएको छ । 

योसंगै नेपालमा कोरोना संक्रमितको संख्या २ लाख ६१ हजार १९ पुगेको छ । त्यस्तै कोरोनाका कारण थप ८ जनाको मृत्यु भएको छ । नेपालमा हालसम्म कोरानाबाट मृत्यु हुनेको संख्या १८ सय ६४ पुगेको छ । नेपालमा थप ७४८ जना कोरोनामुक्त भएका छन् भने हालसम्म २ लाख ५३ हजार १०७ जना कोरोनामुक्त भएका छन् ।

---

नेपालमा हाल ६ हजार ४८ जना आइशोलेशनमा रहदा ३६७ जना क्वारेन्टाइनमा रहेकाछन् । नेपालमा हालसम्म १९ लाख ३७ हजार ७०२ वटा पिसिआर परीक्षण गरिएको स्वास्थ्य मन्त्रालयले जनाएको छ ।