बिहीबार थपिए ५४० संक्रमित, एकको मृत्यु

काठमाडौँ- देशभर ५४० जना कोभिड-१९ संक्रमित थपिएका छन् । बिहीबार स्वास्थ्य तथा जनसंख्या मन्त्रालयकाअनुसार १२ हजार ९९ जनाको परीक्षण गरिएको थियो ।

पछिल्लो २४ घण्टामा २ सय ७१ जना संक्रमणमुक्त भएका छन् । हालसम्म ८ लाख १३ हजार ४४७ जना संक्रमणमुक्त भइसकेका छन् । आज मात्र एक जना संक्रमितको मृत्यु भएको र हालसम्म ११ हजार ६०२ जनाको मृत्यु भइसकेको छ ।

---

देशभर सक्रिय संक्रमित ५ हजार ४३१ जना छन् । २४ घण्टामा १ लाख २० हजार ६५३ जनाले कोभिडविरुद्धको खोप लगाएका छन् ।

आईसीयूमा ७९ र भेन्टीलेटरमा १४ जना उपचाररत छन् । होम आईसोलेशनमा ५ हजार ६९, संस्थागत आईसोलेसनमा ३६२  र क्वारेन्टाइनमा ११३ जना छन् ।