संक्रमण घट्यो, शुक्रबार थपिए १० हजार ७०३ संक्रमित

काठमाडौँ- देशभर शुक्रबार १० हजार ७ सय ३ कोभिड संक्रमित थपिएका छन् । स्वास्थ्य तथा जनसंख्या मन्त्रालयका अनुसार २३ हजार ९२ जनाको परीक्षण गरिएको थियो ।

२४ घण्टामा ७६६ जना संक्रमणमुक्त भएका छन् । आजसम्म देशभर ८ लाख १९ हजार ५७५ जना संक्रमणमुक्त भइसकेका छन् । त्यसैगरी आज ३ जनाको मृत्यु भएको छ । हालसम्म देशभर ११ हजार ६३५ जनाको मृत्यु भइसकेको छ ।

---

सक्रिय संक्रमित ६५ हजार ३७४ जना छन् । बिहीबार २७ हजार ४९७ जनाको परीक्षण गर्दा १२ हजार ३ सय ३८ संक्रमित देखा परेका थिए ।