१६ लाख ६० हजार डोज मोर्डना खोप नेपाल आइपुग्यो

काठमाडौँ -  कोभिड-१९ विरुद्धको मोर्डना खोपको थप डोज ल्याइएको छ । आज १६ लाख ६० हजार डोज मोर्डना खोप नेपाल आइपुगेको हो ।  कोभ्याक्स सुविधामार्फत् सो खोप नेपाल ल्याइएको स्वास्थ्य सेवा विभाग अन्तर्गत व्यवस्थापन महाशाखाको आपूर्ति शाखाले जनाएको छ  ।  भोलि थप २३ लाख ४० हजार डोज खोप नेपाल आइपुग्ने पनि शाखाले जनाएको छ । सरकारले मोर्डना खोप १२ देखि १७ वर्षसम्म्का किशोर किशोरीलाई दिने अभियान सञ्चालन गरिरहेको छ ।  

---