फेरि थपिए १२००८ संक्रमित

काठमाडौँ – नेपालमा पछिल्लो २४ घण्टामा १२ हजार कोभिड संक्रमित थपिएका छन् । स्वास्थ्य तथा जनसंख्या मन्त्रालयका अनुसार २५हजार नौ सय नौ जनाको नमूना परीक्षण गर्दा १२ हजार आठ जनामा कोभिड संक्रमण पुष्टि भएको हो । 

आज पीसीआर परीक्षण गर्दा नौ हजार चार सय ३२ र एन्टीजेन परीक्षण गर्दा दुई हजार पाँचसय ७६ जनामा कोभिड संक्रमण देखिएको हो । आज तीन हजार ४० जनाले कोभिड जितेका छन् । त्यस्तै आज ८ जना कोभिड संक्रमितको मृत्यु भएको छ । देशभर ८८ हजार नौसय ३४ जना कोभिडका सक्रिय संक्रमित छन् ।  

---