धरानमा पहिलोमात्रा खोप लगाएका २८ वर्षीय संक्रमित पुरुषको मृत्यु

काठमाडौँ- धरानमा कोभिडविरुद्धको पहिलो मात्रा खोप लगाएका २८ वर्षीय संक्रमित पुरुषको मृत्यु भएको छ । बिहीबार राति वीपी कोइराला स्वास्थ्य विज्ञान प्रतिष्‍ठानको कोभिड उपचार केन्द्रमा कोभिडविरुद्धको पहिलो मात्रा खोप लगाएका संक्रमित युवकको मृत्यु भएको हो ।

उदयपुर गाईघाट १२ युवकलाई गत १४ गते कोभिड पुष्‍टि भएको थियो । सोही दिन उनलाई प्रतिष्‍ठानको कोभिड उपचार केन्द्रमा भर्ना गरिएको प्रतिष्‍ठानका सह-प्रवक्ता डा. चुडामणी पोख्रेलले जानकारी दिए ।

---

हालसम्म प्रतिष्‍ठानमा २ सय ३९ कोभिड संक्रमितको मृत्यु भएको छ । १ सय ९४ संक्रमितको मिर्गौला डायलासिस गरिएको छ । कोभिड उपचार केन्द्रमा शुक्रबारसम्म २२ जना संक्रमितको उपचार भइरहेको छ ।