बेलायतबाट साढे ८ लाख डोज खोप आयो

काठमाडौँ- कोभ्याक्सअन्तर्गत बेलायतले नेपाललाई कोभिडविरुद्धको ८ लाख बढी खोप उपलब्ध गराएको छ । स्वास्थ्य सेवा विभागअन्तर्गत खोप भण्डारण शाखाकाअनुसार सोमबार ८ लाख ६२ हजार ८० अष्‍ट्राजेनिका खोप ल्याइएको छ ।

आगामी साता थप करिब १३ लाख डोज खोप प्राप्‍त हुने भण्डारण शाखाका प्रमुख बडेबाबु थापाले जानकारी दिए । उनले भने,' खोप आयात हुने डकुमेन्ट तयार भइसकेको छैन । तर, आगामी साता थप खोप प्राप्‍त हुन्छ ।'

---

हालसम्म विभिन्न मुलुकबाट गरेर ४ करोड ५७ लाख ८ हजार ६४० खोप प्राप्‍त भइसकेको छ । जसमध्ये २० लाख कोभिशिल्ड खोप भारतबाट र चीनबाट १ करोड भेरोसेल खरिद गरिएको छ ।