थपिए ४३० कोभिड संक्रमित

काठमाडौँ : पछिल्लो २४ घण्टामा ४३० जनामा कोभिड–१९ को संक्रमण पुष्टि भएको छ । पाँच हजार तीन सय जनामा पीसीआर परीक्षण गर्दा ४३० जनामा संक्रमण पुष्टि भएको हाे ।

यो सँगै नेपालमा कोभिड संक्रमितको संख्या दुई लाख ६५ हजार ६ सय ९८ पुगेको स्वास्थ्य तथा जनसंख्या मन्त्रालयले जनाएको छ । हाल चार हजार ४ सय ८ जना सक्रिय संक्रमित छन् ।

---

पछिल्लो २४ घन्टामा पाँच जना कोभिड संक्रमितको मुत्यु भएको मन्त्रालयले जनाएको छ । योसँगै नेपालमा कोभिड संक्रमणबाट मृत्यु हुनेको संख्या एक हजार ९ सय ३२ जना पुगेको छ ।

मन्त्रालयका अनुसार मंगलबार ३ सय ९० जना संक्रमणमुक्त भएका छन् । योसँगै दुई लाख ५९ हजार ३ सय ५८ जना संक्रमणमुक्त भएका छन् ।