काठमाडौं : नर्सहरूले राष्ट्रिय नर्सिङ दिवस विरोध प्रदर्शन गर्दै मनाएका छन् । काठमाडौंमा विभिन्न निजी अस्पतालमा काम गर्ने नर्सहरूले सेवा सुविधा वृद्धिको माग गर्दै बिहीबार काठमाडौंको माइतिघरमा विरोध प्रर्दशन गरेका हुन् । 

नर्सहरूको पारिश्रमिक र सेवा सुविधा निकै कम भएकाले यस बिषयमा सरोकारवालाहरूको ध्यानाकर्षण गराउन विरोधका साथ नर्सिङ दिवस मनाइएको उनीहरूले बताएका छन् । 

---

उनीहरूले नर्सहरूमाथि अस्पताल, तथा सिनियर कर्मचारीहरूबाट हुने शोषण तथा अत्याचारको अन्त्य हुनुपर्ने, सेवा सुविधा वृद्धि हुनुपर्ने माग राखेका छन् । 

नर्सिङ अध्ययन गर्न निकै खर्चिलो हुने तर काम गरेको पारिश्रमिक निकै कम हुने गरेकाले यो अवस्था कहिलेसम्म रहने भनेर उनीहरूले प्रश्न गरेका थिए । उनीहरूले  ‘महँगो नर्सिङ शिक्षा सस्तो नर्सको तलबकहिलेसम्म ?, भोको पेटले सेवा हुँदैन, सरकारले नर्सिङ सेवाको महत्व कहिले बुझ्‍ने ? लगाएतका प्लेकार्ड बोकेका थिए ।