थप १५७ जनामा कोभिड-१९ संक्रमण पुष्टि, पाँच जनाको मृत्यु

काठमाडौं : नेपालमा शुक्रबार थप १५७ जनामा कोभिड-१९ संक्रमण पुष्टि भएको छ । यो संगै नेपालमा संक्रमितको संख्या २ लाख ७० हजार ७४५ पुगेको छ । 

त्यस्तै संक्रमणका कारण थप ५ जनाको मृत्यु भएको छ भने हालसम्म २ हजार २५ जनाले कोरोनाका कारण ज्यान गुमाएका छन् । त्यस्तै थप ३३३ जना संक्रमणमुक्त हुँदा नेपालमा हालसम्म २ लाख ६५ हजार ६९८ जनाले कोरोना जितेका छन् । 

---

नेपालमा हाल ३ हजार २२ जना आइशोलेशनमा छन् भने १११ जना क्वारेन्‍टिनमा छन् । नेपालमा हालसम्म २० लाख ६४ हजार ८१ वटा पिसिआर परीक्षण गरिएको स्वास्थ्य मन्त्रालयले जनाएको छ ।