थप १७१ जनामा कोभिड-१९ संक्रमण पुष्टि

काठमाडौं : नेपालमा मंगलबार थप १७१ जनामा कोभिड–१९ संक्रमण पुष्टि भएको छ । यो संगै नेपालमा संक्रमितको संख्या २ लाख ७१ हजार २८९ पुगेको छ । त्यस्तै कोभिडका कारण थप १ जनाको मृत्यु भएको छ भने हालसम्म दुई हजार ३० जनाको मृत्यु भएको छ ।

त्यस्तै थप २५९ जना कोभिडमुक्त भएका छन् । नेपालमा अहिलेसम्म २ लाख ६६ हजार ८५९ जना संक्रमणमुक्त भएको स्वास्थ्य मन्त्रालयले जनाएको छ । हाल २४०० जना आइसोेलेशनमा र ९५ जना क्वारेन्टिन छन् । हालसम्म नेपालमाा २० लाख ७८ हजार ९८ वटा पिसिआर गरिएको मन्त्रालयले जनाएको छ ।

---