थपिए १०५ कोभिड-१९ संक्रमित

काठमाडौं : नेपालमा शुक्रबार थप १ सय ५ जनामा कोभिड–१९ संक्रमण पुष्टि भएको छ । योसँगै नेपालमा कोभिड संक्रमितको संख्या २ लाख ७१ हजार ७ सय ७ जना पुगेको छ । 
त्यस्तै, कोभिडबाट कारण थप २ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । 

हालसम्म नेपालमा कोभिडबाट मृत्यु हुनेको संख्या २ हजार ३५ पुगेको छ । शुक्रबार २ सय ७२ जना कोभिडबाट संक्रमणमुक्त भएका छन् । योसँगै अहिलेसम्म २ लाख ६७ हजार ५ सय ६४ जना कोभिडमुक्त भएका छन् ।

---

हाल २१ सय ८ जना आइसोलेसनमा र ९२ जना क्वारेन्टाइनमा रहेका छन् । अहिलेसम्म नेपालमा २० लाख ८८ हजार ३ सय ७२ जनामा पीसीआर परिक्षण गरिएको छ ।