थप २५०८ जनामा कोभिड-१९ संक्रमण, १६ जनाको मृत्यु

काठमाडौँः पछिल्लो २४ घण्टामा २ हजार ५ सय ०८ जनामा कोभिड-१९ को संक्रमण पुष्टि भएको छ । यो सँगै नेपालमा कोरोना संक्रमितको संख्या एक लाख ७० हजार ७ सय ४३ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार शनिबार देशभर दुई हजार २ सय ६४ जना कोभिड संक्रमणमुक्त भएका छन् । यो सँगै एक लाख ३१ हजार २ सय २२ जना संक्रमणमुक्त भएका छन् ।

---

पछिल्लो २४ घन्टामा १६ जना कोभिड संक्रमितको मुत्यु भएको मन्त्रालयले जनाएको छ । शुक्रबार १६ जना कोभिड संक्रमितको मृत्यु भएको थियो । योसँगै नेपालमा कोरोना संक्रमणबाट मृत्यु हुनेको संख्या ९ सय ३७ पुगेको छ ।

त्यस्तै, क्वारेन्टाइनमा बसिरहेका संक्रमितको संख्या दुई हजार ४ सय १० जना रहेको मन्त्रालयले जनाएको छ ।