पछिल्‍लो २४ घण्टामा १०५ जना कोभिड-१९ संक्रमित थपिए

काठमाडौं : नेपालमा मंगलबार थप १०५ जनामा कोभिड-१९ को संक्रमण पुष्टि भएको छ । यो संगै नेपालमा संक्रमितको संख्या २ लाख ७२ हजार ९४५ पुगेको स्वास्थ्य मन्त्रालयले जनाएको छ । 

त्यस्तै थप ९९ जना संक्रमणमुक्त हुँदा संक्रमणमुक्‍त हुनेको संख्‍या २ लाख ६९ हजार ३०३ पुगेको छ । गत २४ घण्टामा संक्रमणका कारण कसैको पनि मृत्यु भएको छैन । नेपालमा अहिलेसम्म दुई हजार ५५ जनाले नेपालका कोरोनाका कारण ज्यान गुमाएका छन् । हाल १५ सय ८७ जना आइशोलेशनमा र ७४ जना क्वारेन्टाइनमा छन् । हालसम्म २१ लाख २३ हजार ९५१ वटा पिसिआर गरिएको मन्त्रालयले जानकारी दिएको छ । 

---