काठमाडौं : पछिल्लो २४ घण्टामा २ हजार ८ सय २४ जनामा कोभिड–१९ को संक्रमण पुष्टि भएको छ । यो सँगै नेपालमा कोरोना संक्रमितको संख्या एक लाख ७३ हजार ५ सय ६८ पुगेको स्वास्थ्य तथा जनसंख्या मन्त्रालयले जनाएको हो ।

मन्त्रालयका अनुसार आइतबार देशभर तीन हजार ६ सय २० जना कोभिड संक्रमणमुक्त भएका छन् । यो सँगै एक लाख ३४ हजार ८ सय ४२ जना संक्रमणमुक्त भएका छन् । पछिल्लो २४ घन्टामा २३ जना कोभिड संक्रमितको मुत्यु भएको मन्त्रालयले जनाएको छ ।

---

योसँगै नेपालमा कोरोना संक्रमणबाट मृत्यु हुनेको संख्या ९ सय ६० पुगेको छ । त्यस्तै, क्वारेन्टाइनमा बसिरहेका संक्रमितको संख्या दुई हजार ३ सय ८६ जना रहेको मन्त्रालयले जनाएको छ । 

हालसम्म संस्थागत आइसोलेसनमा छ हजार ७ सय ७९ र होम आइसोलेसनमा ३० हजार ९ सय ८६ जना सक्रमित बसिरहेका छन् ।